अनपत्यारिला रोचक तथ्यहरु

जिव जन्तुहरुको नेतागिरी

सँसारमा धेरै नै भाषामा अनुवाद भईसकेको संस्कृत भाषाको कृति पञ्चतन्त्रमा धेरै नै जिवजन्तुको कथाहरुले भरिएको छ । त्यसमा भएको कथाहरुमा हरेक पशुहरुको राजा, रानी, मन्त्री राजकुमार आदिको रुपमा चित्रण गरी शासन ब्यबस्थाको बारेमा व्याख्या गरिएको छ । समिक्षकहरुले यो कृतिलाई कल्पना शक्तीको चमत्कार भन्ने गरेका छन तर जिवबिज्ञान सम्बन्धी अध्ययन गर्ने बैज्ञानिकहरुबाट जनावरहरु बारे नयाँ नयाँ तथ्य बाहिर ल्याइरहेका छन । यसबाट के थाहा हुन्छ भने पञ्चतन्त्र मात्र कोरा कल्पनाको उपज हैन ।

यो संसारमा मानिसहरुको मात्र हैन जिवजन्तुहरुले पनि आफ्नो नेता छान्ने र नेत्रित्व आफ्नो हातमा पार्न संघर्ष गर्ने र आफ्नो बथानहरुलाई नेत्रित्व प्रदान गर्ने प्रथा भएको थाहा लागेको छ ।

@ गाईहरु मुखिया हुन घोराघोर लड्छन । लडेर जितेको गाई मुखिया हुन्छ र त्यही मुखियालाई अगाडि लगाएर अरु गाई पछि पछि लाग्छन , गाईहरु मात्र हैन गोरुहरु पनि त्यही मुखियाको पछाडि पछाडि लाग्न वाध्य हुन्छन ।
@ च्याङ्रग्राहरुलाई भने गाईहरु जस्तो लड्नु पर्दैन, उनिहरुले सबैलाई मनपर्ने एउटालाई नेता बनाउछन र त्यही नेतालाई अगुवा मानि सबै त्यो नेताको सँगसगै हिड्छन । च्याङ्रग्राहरुको यही कमजोरीको मानिसहरुले फाईदा उठाउछन , च्याङ्रग्रा मार्ने बेलामा त्यही नेतालाई चिनेर पहिला मारी दियो भने अरु च्याङ्रग्राहरु आँफै मर्न लाइन लाग्छन ।
@ गधाहरुको बिचमा जो सबै भन्दा फुर्तिलो र होसियार हुन्छ त्यो नै गधाहरुको सरदार हुन्छ । कहिले केही खतराको महसुस गर्‍यो कि त्यही सरदार गधाले धेंचु धेंचु कराउदै अरु गधाहरुलाई सावधान गर्छन् ।
@ भैंसीहरुको बथान बाहिर चरेर आफ्नो मालिकको घरमा फर्किए पछि आफुहरु घरमा फर्किएको सुचना दिन एउटा मात्र भैंसी "भाँSS" भनेर कराउछ ।
@ घोडा, खच्चर र उँटहरुको बगाल अगाडी बढ्दै गर्दा सबै भन्दा अगाडि भएकोले कता कता लैजान्छ पछाडि आउनेहरु त्यतै त्यतै लाग्छन ।
@ हातीहरुको नेता प्राय: जसो पोथी नै हुन्छन । पोथी हातीलाई उसमा भएको शरीरिक बल, इमान्दारी र स्वभाब हेरेर नेता चुनिन्छ । नेता भईसकेपछि त्यो पोथी हातीले आफ्नो बथानलाई कडा अनुशासनमा राख्छन । अरु हातीहरुलाई केही सुचना दिनु पर्‍यो कि त्यो नेता हातीले अचम्म लाग्दो ब्यवहार गर्छ , नेता हाती उफ्री उफ्री माटो खन्छ र त्यो माटो आफ्नो सुँडले उठाइ हावामा उडाउछ , यसरी माटो हावामा छरीसकेपछी अरु हातीहरुले त्यो माटोको गन्ध सुंघेर आफ्नो नेता कता छ र उसले के सन्देश दिन लागेको छ भनेर सबै त्यो नेता हाती भएको ठाउँमा डौडेर पुग्छन ।
@ गुरिल्ला, चिम्पान्जी वा बबुन जातीको बाँदरहरुको सरदारले बथानमा भएका सबै राम्री राम्री बाँदरनीहरुलाई आफ्नो अधिकारमा लिन्छ र अरु बाँदरहरुलाई पोथीनै नपाउने गरी दिन्छ । एउटा सरदार मर्यो कि अर्को सरदार छानिन्छ र सरदार भएको बाँदरको कर्तब्य आफ्नो बथानमा भएका सबै बाँदरहरुको रक्षा गर्ने र बँश बृदि गर्ने हुन्छ । बानुन जातीको बाँदर कसै सँग लड्न जादाखेरी सबै भन्दा अगाडि बस्छन र फर्किने बेलामा अरु सबै साथीहरु फर्की सके पछि मात्र आफु फर्किन्छ ।
@ माछाहरु बिचमा कोही पनि माछा आफ्नो सिमा नाघेर जान खोज्यो भने नेता माछाले त्यो माछालाई नराम्रो सँग टोकी दिन्छ ।
@ नेतागिरीको लागि सबै भन्दा नराम्रो सँग लड्ने जाती कुखुरा हो । कुखुराहरुको बिचमा एकजना भन्दा बढी नेता देखा पर्‍यो भने फैसला नभए सम्म उनिहरु लडिरहन्छन । यसरी एक चोटि फैसला भईसकेपछि त्यो नेता कुखुरालाई कसैले छुन सक्दैन । त्यो नेता कुखुराले दाना खाइरहने बेलामा वा फुल पार्ने बेलामा अरु कुखुराहरु उसको छेउमा जान सम्म डराउछन भने त्यो नेता कुखुराले दादागिरी देखाउदै अरुले खाइरहेको दाना खोसेर खाईदिन्छ र अरुले फुल पार्ने बेलामा जिस्क्याइ रहन्छ ।

होसियार चुरोटले तालु खुइले बनाउला

ब्रिटेनका अनुसन्धानकर्ताहरुले अहिले यो पत्ता लगाएका छन कि चुरोट खाँदा त्यसले फोक्सो मात्र बिगार्ने होइन अनुहारको छाला छट्टै चाउरे बनाउने र टाउकोको रौ सेतो हुने रोग समेट लाग्छ । त्यती मात्र नभई चुरोट खानुकै कारणले कतीपय मानिसमा तालुखुईलिने रोग पनि लागेको पत्ता लागेको छ ।
रौ सेतो हुने र तालुखुईलिने कारणमा चुरोट सँग के कती सम्बन्ध छ भन्ने बारे अनुसन्धान गरेको उक्त समुहले "ब्रिटिश मेडिकल जर्नल" मा निकालेको रिपोर्ट अनुसार सबै उमेर समुहका महिला र पुरुषमा गरिएको सर्बेक्षणले देखाएको नतिजामा तालुखुइले भईसकेका पुरुष मध्य ३५ प्रतिसत चुरोट खाने छन भने २१ प्रतिसत चुरोट नखाने छन , यस्तै चुरोट खाने मध्य १२ प्रतिसतको मात्र रौ पहिले जस्तो थियो त्यस्तै छ भने चुरोट नखाने मध्य ३२ प्रतिसतको रौ को कलर चेन्ज भएको छैन ।
६०० जना रोगीहरु बिच गरिएको यो अद्ययनमा यो कुरा त पत्ता लगाउन सकिएन कि उनिहरुको रौ फुल्नुको कारण चुरोट नै हो कि होइन भनेर । तर अर्को एउटा अध्ययनने यो सिद्द गरेर देखाएको छ कि चुरोट खानेहरुको अनुहार चाडैनै चाउरे पर्न थाल्छ भन्नुको मतलब अनुहार उमेर अनुसार जसरी चाउरे पर्दै जानु पर्ने हो त्यो भन्दा अगाडिनै चाउरे पर्न थाल्छ । यस्तो हुनुको कारण यो पनि हुन सक्छ कि चुरोट खाने मान्छेहरुलाई अनेक किसिमको रोग लाग्छ र यस्तै रोगको कारण त्यो मान्छेको अनुहार उमेर भन्दा अगाडिनै फरक देखिन गई चाडैनै बुढा बुढी जस्तै देखिन थालेको ।

अब यो निर्णय गर्ने काम तपाईंकै कि चुरोट खाएर चाडै बुढो देखिने कि , खान छोडेर टन्नेरी बनी राख् ने ... ...

जागिर खाने आईडिया

तपाईं हामी बेरोजगार भएमा के गर्छौ ? निराश भएर बस्छौ, तास खेलेर टाईम पास गर्छौ अथवा अली अली भएको पैसा पनि रक्सी खाएर सक्छौ ? तर एक जना बेलाएती नागरिकले आफु बेरोजगार भए पछि रोजगारको लागि कस्तो आईडिया लगाएका छन त ?

अहिले विश्वका धेरै देशहरुले आर्थिक संकट झेलिरहेको बेला एकजना बेलायती नागरीकले जागिर नपाए पछि जागिर खाने नया आईडिया निकालेका छन। Maidstone, Kent का ३० वर्षिय Andy Palmer ले eBay मा आफुलाई लिलामीमा राखेर जागिर खाने प्रयास गरेका छन। यिनिले कानुन सम्मत भएका जुन सुकै काम पनी आफु गर्न तयार भएको भन्दै यस्तो घोषणा गरेका हुन। आफुलाई एकदमै मेहनती र केही सिक्न चाहाने मानिसको रुपमा चित्रित गर्दै उनले आफ्नो न्युनतम पारिश्रमिक £1,000 तोकेका छन जुन पाए बापत उनले एक महिना काम गर्ने छन। आफुले १ महिना काम गरे बापत पाएको सबै रकम भने उनले नलिईकन रकमको २५ प्रतिशत च्यारीटी लाई दिने छन। उनले अन्त्यमा भनेका छन, "यसो गरे बापत तपाई र तपाईको व्यावसायले पाउने प्रचार प्रसारको बारेमा पनी सोच्नु होला"।

कस्तो लाग्यो त उनको यो आईडिया ? उनी बाट सिकेर अब हामीले पनि केही गर्ने कि ?

विश्वको सबै भन्दा मोटो बच्चा

सात बर्षिया Jessica Gaude उनिको धेरै साथीहरु भन्दा भिन्नै छिन । किनकी उनको वजन २२२ किलोग्राम छ । उनी दुनियाँकै सब भन्दा मोटी बच्चा हुन । उनी एक दिनमा १०००० क्यालोरी जसमा कोकाकोला , १५ ह्याम्बर्गर , केही किलोग्राम आलु र चकलेटहरु खान्छिन । उनी एक दिनमा जती खान्छिन त्यती अरु बच्चाहरुले आधा बर्षमा ... । उनी नाश्तामा मात्र white bread , आलुको चिप्स र २ लिटर कोक खान्छिन र त्यतीले पनि उनिलाई चित्त बुझ्दैन र अरु माग्छिन । चार बर्ष पहिले उनी डाक्टरकोमा जादा उनी ११० किलोग्रामकी थिईन तर दुर्भाग्य अहिले यस्तो छैन , उनी अहिले हिंड्न डुल्न सक्दिनन मात्र भुईमा घिस्रेर यताउता गर्न सक्छिन । उनको शरीरको हड्डी धेरै बजन थाम्न नसकेर पहिले नै बिक्रित भई सकेको छ ।
आमा Carolyn Jessicaले जे माग्छिन त्यो दिन्छिन , जेसिका जन्मेको १ हप्तामा जब बच्चा पेट दुखाएर रोइन आमा Carolyn ले यो सोचिन कि शायद उनिलाई भोक लाग्यो त्यसैले रोएकी । " मैले त्यती खेर उनिलाई एक बोटल दुध दिए र त्यती खेर नै उनिले अझ अरु अझ अरु मागी , उनको भोकको अन्त नै भएन " आमा Carolyn भन्छिन । डाक्टरहरुले पहिले नै चेतावनी दिई सकेको छ कि यदी उपचार गरिएन भने बच्चाको स्वास्थ्य अझै खराब हुनेछ र उनको ज्यानको पनि खतरा हुन सक्छ । तर Jessica कि आमा के औषधी ख्वाउने भन्ने बारे सोच्न सकिरहेकी छैनन र उनको बच्चा भने अझै मिठाई खान र त्यो जारी नै राख्न चाहन्छिन ।

प्रबिधीको सही सदुपयोग

अष्ट्रियाका एक कम्प्युटर व्यवसायीले आफ्नो महङ्गो ल्यापटप चोरी भएपछि चोर पक्राउ गर्न नयाँ तरिका फेला पारे । त्यो तरिका उनले प्रयोग मात्र गरेनन् कि सफल समेत भयो । एनानोभा एजेन्सीका अनुसार अष्ट्रियाका ४५ वर्षीय थोमस कारेर पसलमा नभएको मौका पारेर दुइ टीन एजर ठिटाहरुले १ हजार पाउण्ड रकम पर्ने ल्यापटप पसलबाट चोरेर टाप कसे । सौभाग्य कस्तो भने, उनले पसलमा सीसीटीभी चाहिँ राखेका थिए । जसले ती टीन एजर केटाहरुले चोरेको भिडियो रेकर्ड गरेर राखेको रहेछ ।
उनले त्यो भिडियोलाई इन्टरनेटको युट्यूबडटकममा पोष्ट गरिदिए । त्यो भिडियो हेर्ने युट्यूबका दर्शकहरुले ती दुइ केटालाई चिनेर कम्प्युटर पसले थोमस कारेरलाई खबर गरे । अनि थोमसले प्रहरीलाई खबर गरेर ती ठिटालाई पक्राउ गरे ।युट्यूबमा राखिएको भिडियोमा एउटा ठिटो बाहिर मान्छे आउँछन् कि भनेर हेर्ने र अर्को चाहिँ ल्यापटपलाई बोकेर ज्याकेट भित्र घुसाउँदै गरेको दृश्य राखिएको थियो । प्रविधिलाई सही सदुपयोग गर्न सकेको खण्डमा माया मारिसकेको चिज पनि फेला पारेपछि अहिले थोमस कारेर दङ्ग परेका छन् ।

चुम्बन गरेर किर्तिमान

गएको शनिबार भ्यालेन्टाईन डे को दिन पारेर मेक्सिकोमा करिब ४०,००० जनाले एकै साथ चुम्बन गरेर किर्तिमान कायम गरेका छन। उक्त कार्यक्रममा ३९,८९७ जना सहभागी थिए। Guinness World Records का प्रतिनिधी Carlos Martinez ले यो कुराको पुष्टी गरेका थिए।

"यो कार्यक्रम मानिसहरुको सम्बन्धको बारेमा रहिआएको धारण परिवर्तन गर्न आयोजना गरिएको हो, अझै विषेश गरी जोडीहरुको लागी" मेक्सिकोको पर्यटन विभागले निकालेको वक्तव्यमा उल्लेख गरिएको छ। लगभग १ लाख मानिसहरु अटने त्यस ठाँउमा सबैजना एक अर्काको अँगालोमा बाँधिएर १० सेकेन्ड सम्म चुम्बन गरेका थिए। मानिसहरु जम्मा नभएका कारण यो कार्यक्रम केही ढिला भए पनी सफलतापूर्वक सम्पन्न भएकोमा आयोजकहरु खुसी देखिएका थिए ।

ढुङ्गा मुनीको शहर

हेर्दा आङै सिरीङग हुने यो दृष्य ग्रीसको एक शहरको हो। ग्रीसको बिच भागमा एउटा चर्चित सानो शहर रहेको छ। यो अरु देशका शहरहरु भन्दा एकदमै भिन्न किसिमको छ किनकी यो शहर पुरै ढुङगा मुनी रहेको छ। ग्रीसको पर्यटकिय शहरको रुपमा रहेको यो शहर हो Kalambaka, जुन Trikala county मा पर्दछ। यस शहर लाई Meteora Rock ले उत्तरी र पूर्वी भाग बाट पुरै घेरेको छ।
विश्व सम्पदा सुचीमा राखिएको यस शहरमा जेम्स बोन्ड सिरीजका केही चलचित्रको सुटिङ पनी यहाँ गरीएको थियो। निकै अचम्म लाग्ने गरी यहाका घरहरु बनेका छन। यसो हेर्दा लाग्छ कुनै बेला त्यो ढुङङा पल्टिन्छ र ति घरहरुलाई थिच्छ।

अत्यन्तै सफा र राम्रो चिटिक्क परेको त्यस शहरको बिच भाग बाट एक मात्र बाटो गएको छ। यसका साथै त्यहाँका धेरै जसो होटल र घरहरु पनी त्यही ढुङङाको तल र त्यही बाटोको छेउ छाउमा छन। अझ त्यहाँ घुम्न जाने पर्यटकहरुका लागी त्यहाँको "Church of the Assumption of the Virgin" सबैभन्दा आकर्षणको केन्द्र बन्ने गरेको छ।

कती सानो कार?

तपाईले कति सानो साइजको कार देखनु भएको छ? एक पटक यो कार हेर्नुस त? हेर्दै खेलौना जस्तो लाग्ने यो कार खेलौना भने होईन। एउटा मोटो मानिस समेत नअटला जस्तो लाग्ने यो कारको लम्बाई मात्र 134cm छ भने चौडाई 99cm छ । जम्मा ५९ किलो तौल भएको यो कारमा मुस्किलले एउटा मात्र मानिस अटन सक्छ।
एउटा मानिस बस्न मिल्ने र एउटा सपिङ ब्याग अटने हिसाबले बनाईएको यो कारको देब्रे पट्टी एउटा ढोका रहेको छ भने हेडलाईट पनी एउटा मात्रै छ। केही दिन अघी Ripley's Believe It Or Not! Museum मा प्रदर्शनमा राखिएको यो तिन पाङग्रे कार हो।

राष्ट्रपति बाराक हुसेन ओबामा इन्डोनेसियाली फोटो पत्रकार ?

बिश्वकै शक्तीशाली पदमा पुगेको ब्यक्ती अर्थात अमेरिकी राष्ट्रपति बाराक हुसेन ओबामा सँग तस्बिर खिचाउने सपना विश्वका लगभग सबै जसोमा हुन सक्छ तर ति सबैको सपना पुरा हुने निश्चित अबस्य छैन । तर ओबामा सँग तस्बिर खिचाउने सपना भने इन्डोनेसियाली हरुका लागि भने केही हद सम्म पुरा भएको छ र त्यो पुरा गर्ने ब्यक्ती हुन एक इन्डोनेसियाली फोटो पत्रकार इल्हम अदनान ।

अहिले ति फोटो पत्रकार निकै चर्चामा छन जब देखी ओबामाले राष्ट्रपतिको कार्यभार सम्भालेका छन , उनको लोकप्रियता इन्डोनेसियामा निकै बढेको छ । उनको चर्चा उनी द्वारा खिचिएको तस्बिर होइन उनको आफ्नै तस्बिर हो । ३४ बर्सिय अदनानको अनुहार ओबामा सँग निकै मिल्दो जुल्दो छ । उनको तस्बिरहरु धेरै पत्र पत्रीका हरुले प्रकाशित गरिसकेका छन । अहिले ओबामा सँग उनको अनुहार मिलेकै कारण पहिलेको तुलनामा उनको आम्दानी पनि दोब्बर भएको छ । उनी अहिले अन्लाईनका बिज्ञापनहरुमा पनि छाएका छन । उनिसँग तस्बिर खिचाउने हरुको निकै तछाड मछाड हुने गरेको छ ।